जिन्दगी

आँखामा आँसु सबै सिद्धिएछन्
मनका इच्छाहरु सबै सिद्धिएछन्
ज्यूँदो लास भएर आज
सासै मात्र बाँकी भएछन्

के सोचेको थिएँ के भयो
दु:ख सुख बाँडीचुँडी संगै बाँच्ने, संगै हाँस्ने
मायाप्रीति सधैँ गाँस्ने
रहर सबै तुही गयो

चाहाना सबै मनमै मर्‍यो
कल्पनाहरु सिसा झैँ फुट्यो
भाग्यले यस्तरी ठग्यो
जिन्दगी अव बोझ भयो

समयले कस्तो छल गर्‍यो
न तिम्रो भुल थियो न मेरो
नियतिले कस्तो खेल खेल्यो
जिन्दगी आज हार भयो